आणखी एक Blog!

"ओबामाचे correct आहे" - इति जोशी काकू,

"Global credit crisis" वगैरे - पाटलांची शकू,

"सरकार कुचकामी आहे" - शाळेतला टिंकू,

सांगवत नाही कुणाच्या तोंडून काय येईल ऐकू!

जो तो अन्या-गण्या ओकतोय आपली मतं,

उपदेश करायला हल्ली असावं लागत नाही संत,

सल्ला नावाची एकच गोष्ट होत चालली स्वस्त,

दोन कानांपेक्षा एका तोंडाचा वापर जास्त!

Facebook वर अख्खं population आलंय,

सतत व्यक्त होत राहण्याचं addiction झालंय,

हवा-पाण्यासोबत information चं pollution झालंय,

माझ्या छोट्या मेंदूचं त्यामुळे confusion झालंय!

तुम्ही म्हणाल, "ही काकूबाई फार आहे,

कविता हाही व्यक्त होण्याचा प्रकार आहे."

तुमच्या म्हणण्याला माझाही रुकार आहे,

कुणी ऐको न ऐको, अभिव्यक्ती माझा अधिकार आहे. :)

तात्पर्य, पहाटे अचानक चमत्कार झाला,

विजा कडाडून आकाशवाणीचा आवाज घुमला,

आकाशातून सर्वांना दक्षतेचा हुकूम सुटला,

internet च्या जाळ्याला आणखी एक blog फुटला! :)